ՀՀ Ազգային ժողովի պատգամավորների աշխատանքային այցը Բրյուսել

08 նոյեմբերի, 2023

Նոյեմբերի 8-10-ը ՀՀ Ազգային ժողովի եվրոպական ինտեգրման հարցերի մշտական հանձնաժողովի նախագահ Արման Եղոյանը, «Քաղաքացիական պայմանագիր» խմբակցության ղեկավար Հայկ Կոնջորյանը և պատգամավոր Սոնա Ղազարյանը՝ Բրյուսել կատարած աշխատանքային այցելության շրջանակներում, հանդիպումներ ունեցան Եվրոպական խորհրդարանի մի շարք պատգամավորների, այդ թվում՝ Արտաքին հարցերով կոմիտեի նախագահ Դեյվիդ ՄքԱլիսթերի, նույն կոմիտեի անդամներ՝ Իլհան Քյուչյուկի, Պետրաս Աստրավիչիուսի, Աննա Ֆոտիգայի, Ռաֆայել Գլյուկսմանի, ինչպես նաև Բերտ-Յան Ռաուսենի, Ռիշար Չառնեցկիի, Ֆրանց Բոգովիչի և Անգել Ջամբազկիի հետ։

Հանդիպումների ժամանակ հիմնականում քննարկվեցին Լեռնային Ղարաբաղում էթնիկ զտման ենթարկվածների ներկա պայմանների և կարգավիճակի, Հարավային Կովկաս տարածաշրջանում տիրող իրավիճակի ու ՀՀ֊ԵՄ հարաբերությունների հեռանկարների մասին։ Միևնույն ժամանակ, մտքեր փոխանակվեցին տարածաշրջանային անվտանգությանն ու կայունությանն առնչվող հարցերի լայն շրջանակի մասին։ Այս համատեքստում, պատգամավորները մանրամասն ներկայացրեցին Հայաստանի կողմից առաջ քաշված «Խաղաղության խաչմերուկներ» նախագիծը։

Երկուստեք կարևորվեց Հայաստանի ժողովրդավարական զարգացումը, բարեփոխումների իրականացման օրակարգն ու ԵՄ-ի հետ հարաբերությունների շարունակական խորացման անհրաժեշտությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր